Hadith 1974

ابو ہریرہ رضی اللہ عنہ سے روایت ہے، وہ فرماتے ہیں کہ رسول اللہ صلی اللہ علیہ وآلہ وسلم ارشاد فرماتے ہیں کہ مسلمان پر مسلمان کے چھ حق ہیں (احادیث میں مسلمانوں کے حقوق کی جو مختلف تعداد مذکور ہوئی ہے وہ حصر کے لئے نہیں ہے، وحی سے جیسے جیسے معلوم ہوتا گیا حضور اس تعداد کو ظاہر فرماتے گئے) صحابہ عرض کئے: حضور! وہ چھ حقوق کونسے ہیں؟ تو حضور ارشاد فرمائے: سنو! مسلمان کا مسلمان پر (1) ایک حق تو یہ ہے کہ جب کسی مسلمان سے ملاقات ہو اس کو سلام کرے (اگر خود وہ سلام کرے تو تم اس کا جواب دو) مسلمان پر مسلمان کا (2) دوسرا حق یہ ہے کہ اگر وہ دعوت دے تو اس کی دعوت قبول کرو، اور مسلمان کا (3) تیسرا حق یہ ہے کہ (یوں تو ہر وقت مسلمان کی خیر خواہی کرنا ضروری ہے مگر جب) وہ تم سے مشورہ کرے تو تم (پر واجب ہے کہ تم) اس کو خیر خواہانہ مشورہ دو اور مسلمان کا (4) چوتھا حق یہ ہے کہ جب اس کو چھینک آئے اور وہ (آواز سے) ”الْحَمْدُ لِلّٰهِ“ کہے تو تم (پر واجب ہے کہ تم اس کو ”يَرْحَمُكَ اللّٰهُ“ کہہ کر جواب دیدو اور مسلمان کا (5) پانچواں حق یہ ہے کہ جب کوئی مسلمان بیمار ہو تو تم اس کی بیمار پرسی کرو (ایک مرتبہ ہی کیوں نہ ہو) اور مسلمان کا (6) چھٹا حق یہ ہے کہ جب وہ مر جائے تو اس کے جنازہ کے ساتھ جا کر اس کی نماز جنازہ پڑھو اور دفن تک جنازہ کے ساتھ رہو۔ مسلم نے روایت بیان کی ہے۔