Hadith 1988

ابو سعید خدری رضی اللہ عنہ سے روایت ہے، وہ فرماتے ہیں کہ رسول اللہ صلی اللہ علیہ وآلہ وسلم ارشاد فرماتے ہیں کہ جب تم کسی بیمار کی بیمار پرسی کو جاؤ (اس سے ایسے الفاظ کہو جن سے اس کا دل خوش ہوجائے مثلاً یوں کہو) کہ اللہ تعالیٰ تمہاری عمر دراز کرے (کوئی فکر کی بیماری نہیں ہے اللہ تعالیٰ تم کو صحت دے ایسے دل خوش کن الفاظ کہنے سے مریض کا دل خوش ہوجاتا ہے۔) رسول اللہ صلی اللہ علیہ وآلہ وسلم فرماتے ہیں کہ تمہارے اس طرح کہنے سے تقدیرِ الٰہی تو نہیں بدل سکتی (جو ہونا ہے وہ ہو کر رہے گا) لیکن اس سے بیمار کا دل خوش ہوجائے گا (اور بعض وقت اس سے اس کی بیماری میں بھی تخفیف ہوجاتی ہے اور بیمار کو بیماری کی تکلیف کم محسوس ہوتی ہے۔ اس حدیث کی روایت ترمذی اور ابن ماجہ نے کی ہے۔