Hadith 2221

ام المؤمنین حضرت عائشہ صدیقہ رضی اللہ عنہا سے روایت ہے، آپ فرماتی ہیں کہ ہمیشہ میری باری کی رات رسول اللہ صلی اللہ علیہ وآلہ وسلم آخر شب مدینہ منورہ کے قبرستان بقیع کو تشریف لے جاتے اور وہاں پہنچ کر یہ دعاء فرماتے: ”السَّلَامُ عَلَيْكُمْ دَارَ قَوْمٍ مُؤْمِنِينَ مسلمانوں کے قبرستان والو! تم سب پر سلام ہو، جس اجر و ثواب کا دنیا میں تم سے وعدہ کیا جاتا تھا وہ اب تم کو مل گیا اور باقی پورا پورا ثواب کل قیامت کے بعد جنت میں ملے گا اور (ایک دن وہ آتا ہے کہ) ہم بھی تم سے ان شاء اللہ ملنے والے ہیں، الٰہی! مدینہ کے بقیع قبرستان کے تمام مردوں کی مغفرت فرما دیجئے۔ اس کی روایت مسلم نے کی ہے۔