Hadith 2496

معاذہ عدویہ رضی اللہ عنہا سے روایت ہے کہ انہوں نے ام المؤمنین حضرت عائشہ صدیقہ رضی اللہ عنہا سے دریافت کیا: اے ام المؤمنین! کیا بات ہے کہ حائضہ عورت روزہ کی تو قضاء کرتی ہے لیکن نماز کی قضاء نہیں کرتی۔ ام المؤمنین حضرت عائشہؓ نے جواب دیا کہ (رسول اللہ صلی اللہ علیہ وآلہ وسلم کے زمانے میں) ہم کو حیض آتا تو ہم کو روزہ کی قضاء کا حکم دیا جاتا اور نمازوں کی قضاء کا حکم نہیں دیا۔ (اس سے معلوم ہوا کہ شارع علیہ السلام نے جو فرمایا اس کی علت پوچھنے کی ضرورت نہیں، جو فرمایا اس کو کرنا چاہئے) اس حدیث کی روایت مسلم نے کی ہے۔