Hadith 3160

عبدالرحمن بن یعمر دیلی رحمہ اللہ سے روایت ہے وہ فرماتے ہیں کہ میں نے رسول اللہ صلی اللہ علیہ وآلہ وسلم کو یہ ارشاد فرماتے سنا ہے کہ حج عرفہ ہے (یعنی حج کا سب سے بڑا رکن نویں ذوالحجہ کو زوال سے لے کر دسویں کی فجر سے پہلے تک عرفات میں ٹھہرنا ہے جو فرض ہے) تو جو کوئی مزدلفہ یعنی دسویں ذوالحجہ کی رات عرفات (میں قیام) کو پالیا تو گویا اس نے حج کو پالیا۔ (حضور صلی اللہ علیہ وآلہ وسلم نے یہ بھی فرمایا کہ) منیٰ میں (قیام کے) تین دن ہیں: (گیارہویں، بارھویں اور تیرھویں ذوالحجہ) تو جو کوئی (پہلے دو دن یعنی گیارھویں اور بارھویں کو) کنکریاں مار کر روانہ ہونے میں عجلت کرے تو اس پر کوئی گناہ نہیں، اور کوئی شخص تیرھویں تک ٹھہر کر تاخیر کرے (اور تیرھویں کو کنکریاں مار کر روانہ ہو) تو اس پر بھی گناہ نہیں۔ اس کی روایت ترمذی، ابوداؤد، نسائی، ابن ماجہ اور دارمی نے کی ہے اور ترمذی نے فرمایا ہے کہ یہ حدیث حسن صحیح ہے۔