Hadith 3370

ام المؤمنین حضرت عائشہ رضی اللہ عنہا سے روایت ہے کہ حضور صلی اللہ علیہ وسلم (اپنی بیوی) زینب بنت جحش رضی اللہ عنہا کے ہاں (تشریف لے جاتے تو) کچھ دیر ٹھہر جاتے اور آپ کے پاس شہد نوش فرماتے (ام المؤمنین فرماتی ہیں کہ) میں نے اور بی بی حفصہ نے آپس میں مشورہ کیا اور یہ طے کر لیا کہ ہم دونوں میں سے جس کے پاس بھی تشریف لائیں تو وہ یوں کہے کہ (یا رسول اللہ) آپ کے (دہن مبارک) سے مغافیر کی بو آتی ہے تو کیا آپ نے مغافیر کھایا ہے؟ (اس کے بعد) نبی صلی اللہ علیہ وآلہ وسلم ہم دونوں میں سے کسی ایک کے پاس تشریف لائے تو اس نے یہی کہا (یعنی طے شدہ بات کو دہرا دیا گیا) (یہ سن کر) حضور صلی اللہ علیہ وآلہ وسلم نے فرمایا نہیں بلکہ میں نے بی بی زینب بنت جحش کے پاس شہد پیا ہے۔ (اور اگر تم کو شہد پینے سے بدبو آ رہی ہے) تو آئندہ نہیں پیوں گا۔ اس پر یہ آیت نازل ہوئی ” يٰأَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ “۔ (اس آیت کی روایت بخاری نے کی ہے)۔