Hadith 3613

حضرت جابر رضی اللہ تعالیٰ عنہ سے روایت ہے کہ ایک صاحب یمن سے آئے اور انہوں نے نبی کریم صلی اللہ علیہ وسلم سے ایک شراب کے بارے میں سوال کیا جس کو لوگ ان کی سرزمین میں پیتے تھے۔ وہ مکئی سے بنائی جاتی تھی اور اس کو مزر کہا جاتا تھا۔ نبی اکرم صلی اللہ علیہ وسلم نے ان سے دریافت فرمایا کیا وہ نشہ آور ہے تو انہوں نے کہا ہاں (وہ نشہ آور ہے) تو آپ ﷺ نے فرمایا ہر نشہ آور حرام ہے اللہ تعالیٰ کا عہد ہے ہر اس آدمی کے لئے جو نشہ آور چیز پیتا ہے۔ وہ اس کو طینۃ الخبال (دوزخیوں کا خون پیپ) پلائے۔ وہ (صحابی) عرض کئے۔ یا رسول اللہ ﷺ طینۃ الخبال کیا ہے تو آپ صلی اللہ علیہ وسلم نے فرمایا دوزخیوں کی ریش یا ان کا خون، پیپ۔ (مسلم)