Hadith 4333

اور ان ہی سے ایک روایت ہے کہ نبی اکرم صلی اللہ علیہ وسلم سونے سے قبل ہر آنکھ میں تین مرتبہ اثمد سرمہ لگایا کرتے تھے۔ راوی نے کہا: اور آپ ﷺ نے ارشاد فرمایا: سب سے بہترین دوا جس کے ذریعہ تم علاج کرو: لدود (گوشۂ دہن سے ڈالی جانے والی دوا)، سعوط (ناک سے ڈالی جانے والی دوا) اور پچھنا لگانا اور جلاب لینا ہے اور سب سے بہترین سرمہ جو تم لگاتے ہو اثمد ہے۔ کیونکہ وہ نگاہ کو روشن کرتا ہے اور بال کو اگاتا ہے۔ اور سب سے بہترین دن جس میں تم پچھنا لگاؤ وہ سترہ اور انیس اور اکیس تاریخ ہے۔ اور یہ کہ رسول اللہ صلی اللہ علیہ وسلم کو جس وقت معراج ہوئی۔ تو آپ کا گزر فرشتوں کی کسی جماعت پر نہیں ہوا مگر انہوں نے یہ کہا: پچھنا لگانے کو آپ اختیار1 کریں۔ (ترمذی)، اور امام ترمذی نے فرمایا یہ حدیث حسن غریب ہے)