Hadith 4677

سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: کیا تم جانتے ہو غیبت1 کیا ہے وہ (صحابہ) عرض کئے: اللہ اور اس کے رسول خوب جانتے ہیں۔ آپ ﷺ نے فرمایا: تمہارا اپنے بھائی کو ایسی چیز سے ذکر کرنا جسکو وہ ناپسند کرتا ہے عرض کیا گیا آپ کیا فرماتے ہیں اگر میرے بھائی میں وہ چیز موجود ہو جو میں بول رہا ہوں؟ تو آپ نے فرمایا: اگر اس میں وہ چیز موجود ہو، جو تم بول رہے ہو تو تم نے اسکی غیبت کی، اور اگر اس میں وہ چیز نہ ہو جو تم کہتے ہو تو تم نے اس پر تہمت (بہتان) لگائی۔ (مسلم)۔ سیدنا ابوہریرہ رضی اللہ عنہ سے روایت ہے کہ: جب تم اپنے بھائی کی وہ چیز کہو جو اس میں ہے تو تم نے اسکی غیبت کی اور جب تم وہ کہو جو اس میں نہیں ہے تو تم نے اس پر تہمت لگائی۔ (شرح السنہ)۔