Hadith 4797

سیدنا عبدالرحمٰن بن ابوقراد رضی اللہ تعالیٰ عنہ سے روایت ہے کہ نبی اکرم صلی اللہ علیہ وسلم نے ایک دن وضو کیا تو آپ کے صحابہ آپ کے وضو کے پانی کو ملنے لگے، تو ان سے نبی اکرم صلی اللہ علیہ وسلم نے ارشاد فرمایا: تم کو اس پر کونسی چیز آمادہ کرتی ہے؟ انھوں نے عرض کیا: اللہ اور اس کے رسول کی محبت، تو نبی اکرم صلی اللہ علیہ وسلم نے ارشاد فرمایا: جس کو اس بات سے خوشی ہوتی ہے 2 کہ وہ اللہ اور اس کے رسول سے محبت کرے یا اس سے اللہ تعالیٰ اور اس کے رسول محبت کریں تو وہ جب بات کرے تو سچی بات کرے، جب اسے امین بنایا جائے تو امانت ادا کرے اور جس کے پڑوس میں رہتا ہے حق پڑوسی کو اچھی طرح نبھائے۔ (بیہقی: شعب الایمان)