Hadith 5029

سیدنا ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: جب تم میں کا کوئی شخص کسی ایسے شخص کو دیکھے جس کو مال اور شکل و صورت میں اس سے برتری دی گئی ہے تو چاہئے کہ وہ اپنے سے کم تر کو بھی دیکھے۔ (متفق علیہ)۔ اور مسلم کی ایک روایت میں ہے آنحضرت ﷺ نے فرمایا: تم اس شخص کو دیکھو جو تم سے نیچے ہے اور اُس شخص پر نظر مت رکھو جو تم سے برتر ہے! کیونکہ یہ اس بات کا باعث ہے کہ تم اللہ کی جو نعمت تم پر ہے، اس کو حقیر نہ سمجھو۔ (مسلم)۔