Hadith 5640

شیخ نے لمعات میں فرمایا: کہا گیا ہے کہ وہ بکریاں سیدنا ابوبکر صدیق رضی اللہ عنہ کے ایک اور دوست کی تھیں اور اس کی طرف سے رضا مندی و دودھ کی اجازت تھی۔ اور یہ بھی کہا گیا ہے کہ ان لوگوں کی عادت تھی کہ وہ اپنے چرواہوں کو اجازت دے رکھتے تھے کہ راستہ گزرنے والے اصحاب کو اگر دودھ کی ضرورت و حاجت ہو تو ان کے لئے دودھ نچوڑ دیا کریں اور یہ بھی ممکن ہے کہ آپ اس کی قیمت دے کر لئے ہوں۔

(5) قوله : سريت من سرى لغة فى أسرى. (آپ رات میں چلے) سری مجرد اور اسری مزید فیہ، دونوں کے معنی رات میں چلنے کے ہیں یعنی جس وقت آپ مکہ مکرمہ سے مدینہ منورہ کی طرف ہجرت کے لئے غار سے نکلنے کے بعد چلے تھے (مرقات)۔ (6) قوله : قام قائم الظهيرة. یعنی جب سورج درمیان آسمان میں پہنچ گیا۔ کتاب نہایہ میں ہے یعنی جب سورج زوال کے وقت ٹھہر گیا اور یہ مفہوم اہل لغت کے اس قول قامت به دابته سے لیا گئے ہے، یعنی ٹھہر گیا۔ مطلب یہ ہے کہ سورج جب آسمان کے درمیان پہنچ جاتا ہے تو سایہ کی حرکت سورج کے ڈھلنے تک آہستہ ہوجاتی ہے اور دیکھنے والا یہ سمجھتا ہے کہ وہ ٹھہر گیا ہے، حالانکہ وہ چلتا رہتا ہے اور اس کے رفتار کی تیزی کا اثر ایسا ظاہر نہیں ہوتا جیسا زوال سے پہلے اور زوال کے بعد ظاہر ہوتا ہے اور اس طرح ٹھہرتے ہوئے جو دکھائی دیتا ہے اس کو قام قائم الظهيرة سے تعبیر کرتے ہیں۔ (مرقات)۔ (7) قوله : لا يمر فيه احد. (اس وقت کوئی گزر نہیں رہا تھا) یہ اپنے ماقبل کی تاکید یا اس کا بیان ہے۔ قوله : فرفعت. یعنی نمودار ہوا۔ وقوله : انا انفض. اس میں ف کو پیش ہے یعنی میں حالات معلوم کرتے رہوں گا اور دشمن کے بارے میں معلومات کروں گا اور دیکھوں گا کہ کیا یہاں کوئی دشمن یا موذی جانور تو نہیں ہے۔ وقوله : كثبة. کاف کو پیش ہے اور ث کو جزم ہے یعنی حلبہ کے برابر یہ بھی کہا گیا پیالہ بھر اور کبھی تھوڑے پانی اور مختصر سے دودھ کے معنی میں بھی آتا ہے۔ وقوله : يرتوى فيها. علامہ طیبی نے کہا يرتوى فيها نہیں بلکہ يرتوى منها ہونا چاہئے تو میں کہتا ہوں کہ قاموس میں ہے کہ فی کبھی من کے معنی میں بھی آتا ہے۔ قوله : يشرب ويتوضأ دونوں نئے جملے ہیں اور یہ دونوں بیان ہیں۔ اور ومعى جملہ حالیہ ہے۔ اور فحلب اور فاتيت النبى کے درمیان جملہ معترضہ ہے۔ وقوله : فوافقته. (میں انتظار کرتا رہا) صحیح شدہ نسخوں میں پہلے ف اور اس کے بعد ق ہے اس کے معنی ہیں میں انتظار کرتا رہا۔ (حاشیہ پچھلے صفحے سے) وقوله: حتى رضيت . (میں خوش ہوگیا) یعنی میرا دل خوش ہوگیا۔ وقوله: اتينا، ماضی مجہول کا صیغہ ہے یعنی ہمارے پاس دشمن آگیا۔ وقوله : فارتطمت فرسه. (اس کا گھوڑا اس کو لیکر دھنس گیا) یعنی اس کے پاؤں دھنس گئے جیسے ریت میں دھنس جاتے ہیں۔ وقوله: فى جلد ج اور ل دونوں کو زبر (فتحہ) ہے، یعنی سخت زمین میں۔ وقوله : فالله لكما . اسم جلالہ کو مبتدا ہونے کی وجہ سے پیش ہے، یعنی مجھ سے آپ دونوں کی حفاظت کا اللہ تعالیٰ کفیل ہے، اور ایک نسخہ میں اسم جلالہ کو زبر ہے، لفظ اشهد محذوف ہے، یا قسم ہے اور حرف قسم محذوف ہے۔ وقوله: كفيتم . مفعول کا صیغہ ہے یعنی اس جانب تلاش کرتے ہوئے کسی کے آنے سے آپ بے فکر ہوگئے ہیں، کیونکہ میں آپ کے لئے اس کام کے لئے کافی ہوں۔ (ماخوذ از: مرقات)۔ (8) وقوله : متفق عليه. امام نووی نے فرمایا اس حدیث میں بہت فائدے ہیں منجملہ ان کے (1) یہ رسول اللہ صلی اللہ علیہ وسلم کا کھلا معجزہ ہے اور (2) حضرت ابوبکر رضی اللہ تعالیٰ عنہ کی اس میں چند وجوہ سے فضیلت کا ذکر ہے