Hadith 1893

14/2202-2203۔ عقبہ بن عامر رضی اللہ عنہ سے روایت ہے وہ فرماتے ہیں کہ نبی کریم صلی اللہ علیہ وآلہ وسلم کچھ بکریاں مجھے عنایت کئے تاکہ میں صحابہ میں قربانی کے لئے تقسیم کردوں، اخیر میں عَتُود رہ گیا (عتود بکروں اور چھیلوں میں ایسا ہی ہے جیسے جذعہ مینڈھوں میں کہ جذعہ (6) مہینے سے زیادہ اور سال سے کم کا ہوتا ہے اور عتود بھی ایسا ہی بکروں میں (6) مہینے سے زیادہ اور سال سے کم کا ہوتا ہے، جذعہ اگر فربہ ہو تو ایک سال سے کم کا بھی ہو، قربانی دے سکتے ہیں اور عتود اگرچہ فربہ ہو (6) مہینے سے زیادہ اور سال سے کم ہو تو اس کی قربانی نہیں دی جاتی ایک سال کا ہونا ضروری ہے) اس لئے عقبہ رضی اللہ عنہ رسول اللہ صلی اللہ علیہ وآلہ وسلم سے عرض کئے کہ میرے حصے میں عتود یعنی ایک سال سے کم کا بکری کا بچہ رہ گیا ہے (اور بکری کا بچہ ایک سال سے کم کا ہو تو اس کی قربانی جائز نہیں) تو میں قربانی کس طرح کروں تو حضرت صلی اللہ علیہ وآلہ وسلم فرمائے سنو عقبہ! سال سے کم جو بکری کا بچہ رہ گیا ہے، اسی کی تم قربانی کرو، اور یہ حکم خاص تمہارے لئے ہے۔ دوسروں کو سال بھر سے کم کا بکرا اگرچہ کہ وہ فربہ ہو قربانی میں جائز نہیں (بخلاف مینڈھے کہ اگر وہ سال سے کم کا بھی ہو اور فربہ ہو تو اس کی قربانی سب کے لئے جائز ہے) (اس حدیث کا ترجمہ اشعۃ اللمعات کے لحاظ سے کیا گیا ہے۔ 12)۔ (اس حدیث شریف کی روایت بخاری اور مسلم نے متفقہ طور پر کی ہے۔)