Hadith 2835

ثوبان رضی اللہ عنہ سے روایت ہے وہ نبی کریم صلی اللہ علیہ وآلہ وسلم سے روایت فرماتے ہیں آپ نے ارشاد فرمایا کہ: بندہ (مومن مختلف قسم کی عبادتوں کے ذریعہ) اللہ تعالیٰ کی رضامندی اور خوشنودی کی تلاش میں لگا رہتا ہے تو اللہ تعالیٰ حضرت جبرئیل علیہ السلام سے فرماتے ہیں کہ میرا فلاں بندہ میری خوشنودی کی فکر میں لگا ہوا ہے (جبرئیل! تم) سن لو کہ میری رحمت (کاملہ) اسی پر نازل ہے پس جبرئیل علیہ السلام ندا فرما دیتے ہیں کہ اللہ تعالیٰ کی رحمت فلاں بندہ پر ہے اور اسی (دعاء کے کلمہ) کو حاملینِ عرش اور ان کے اطراف والے فرشتے کہتے جاتے ہیں یہاں تک کہ ساتوں آسمان کے فرشتے اس شخص کے حق میں دعاء کرتے ہیں پھر (اللہ تعالیٰ کی رحمت) اس شخص کے حق میں زمین والوں تک پہنچتی ہے (کہ اللہ تعالیٰ نے اس شخص کو پسند فرمایا ہے اور یہ اللہ تعالیٰ کا محبوب بندہ ہے تو زمین والے بھی اس کو چاہنے لگتے ہیں)۔ اس حدیث کی روایت امام احمد نے کی ہے۔