Hadith 3735

سیدنا ابو سعید رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا جو آدمی اللہ سے اس کے رب ہونے کے اعتبار سے راضی ہوا اور اسلام سے دین ہونے کے اعتبار سے اور حضرت محمد (صلی اللہ علیہ وآلہ وسلم) سے رسول ہونے کے اعتبار سے راضی ہو تو اس کے لئے جنت واجب ہوگئی۔ ابو سعید رضی اللہ تعالیٰ عنہ کو اس پر تعجب ہوا اور عرض کیا یا رسول اللہ ﷺ آپ اس کو دوبارہ ارشاد فرمائیں تو آپ ﷺ نے اس کو ان کے لئے دوبارہ فرمایا پھر فرمایا اور ایک دوسری بات3 ہے جس سے اللہ تعالیٰ بندے کو سو درجے بلند کرتا ہے ہر دو درجوں کے درمیان (فاصلہ) ایسا ہے جیسا آسمان و زمین کے درمیان ہے۔ تو انہوں نے عرض کیا اور یا رسول اللہ ﷺ وہ (دوسری بات) کیا ہے؟ آپ ﷺ نے فرمایا اللہ کے راستہ میں جہاد ہے، اللہ کے راستہ میں جہاد ہے، اللہ کے راستہ میں جہاد ہے۔ (مسلم)