Hadith 3746

انس رضی اللہ تعالیٰ عنہ سے روایت ہے کہ ربیع بنت براء، جو حارثہ بن سراقہ کی والدہ ہیں، نبی اکرم صلی اللہ علیہ وسلم کی خدمت میں حاضر ہوئیں اور عرض کیں یا رسول اللہﷺ کیا آپ مجھے حارثہ کے بارے میں بیان نہیں فرمائیں گے؟ وہ جنگ بدر میں شہید ہوئے تھے۔ ایک نامعلوم تیر ان کو لگا تھا پس اگر وہ جنت میں ہے تو میں صبر کروں گی اور اگر اس کے سوا ہے تو میں ان پر رونے میں کوشش کروں گی (خوب روؤں گی) تو آپﷺ نے فرمایا: اے ام حارثہ یقیناً جنت میں بہت باغات ہیں اور تمہارا بیٹا فردوس اعلیٰ میں پہنچتا ہے۔ (بخاری)