Chapter on The Atirah (Sacrifice in Rajab)

ابوہریرہ رضی اللہ عنہ سے روایت ہے۔ وہ فرماتے ہیں کہ رسول اللہ صلی اللہ علیہ وآلہ وسلم ارشاد فرماتے ہیں کہ: فرع اور عتیرہ اب باقی نہ رہے، یہ دونوں منسوخ کر دئے گئے ہیں۔ (کوئی مسلمان ان دونوں کو خواہ نیت کسی ہی خالصاً لِلّٰہ ہو نہ کرے۔) اس حدیث کی روایت بخاری اور مسلم نے متفقہ طور پر کی ہے۔

حضرت علی رضی اللہ عنہ سے روایت ہے، آپ فرماتے ہیں رسول اللہ صلی اللہ علیہ وآلہ وسلم ارشاد فرماتے ہیں کہ زکات (جو صدقۂ فطر اور عُشر کو بھی شامل ہے) جب یہ فرض ہوئی تو قرآن میں جو جو خیرات زکات فرض ہونے کے پہلے واجب تھے ان کا وجوب منسوخ ہوگیا (اب اس خیرات کا دینا مستحب باقی رہا) اور رمضان کے روزے فرض ہونے کے پہلے دوسرے مہینوں میں جن روزوں کا روزہ رکھنا فرض تھا مثلاً دسویں محرم کا روزہ، رمضان کے فرض ہونے سے ایسے سب روزوں کا وجوب منسوخ ہوگیا (اب ان روزوں کا مستحب ہونا باقی رہا) اور غسل جنابت فرض ہونے سے دوسرے غسل مثلاً جمعہ وغیرہ کا وجوب منسوخ ہوگیا (اب دوسرے غسل مستحب رہے) اور قربانی واجب ہونے سے اور جانور جو عبادت کے طور پر ذبح کئے جاتے تھے، مثلاً عقیقہ اور فرع اور عتیرہ کا وجوب بھی منسوخ ہوگیا (عقیقہ، فرع اور عتیرہ کا مستحب ہونا باقی رہا، عقیقہ کرنے میں کوئی شرعی ممانعت نہیں تھی، اس لئے عقیقہ کرنا مستحب رہا، مگر فرع اور عتیرہ کہ اس میں مشرکین کے ساتھ