Hadith 1888

ابو رافع رضی اللہ عنہ سے روایت ہے وہ فرماتے ہیں کہ جب رسول اللہ صلی اللہ علیہ وآلہ وسلم قربانی کیا کرتے تھے تو وہ بڑے بڑے ابلق مینڈھے خرید فرمایا کرتے تھے، اور نماز عید کے بعد عیدگاہ میں خطبہ دینے سے فارغ ہو جاتے اور آپ عیدگاہ ہی میں کھڑے رہتے تو اس وقت مذکورہ دو مینڈھوں میں سے ایک مینڈھا لایا جاتا اور (حضور جب اس مینڈھے کو ذبح کرنا چاہتے تو ذبح کے وقت کوئی دعا نہیں پڑھتے تھے) صرف ”بِسْمِ اللّٰهِ وَاللّٰهُ اَكْبَرُ“ کہہ کر ذبح کرتے، ذبح سے فارغ ہونے کے بعد یہ دعا پڑھتے: اے اللہ! یہ قربانی میری امت کی طرف سے قبول فرمائیے یعنی میری امت میں سے ہر شخص کی طرف سے قبول فرمائیے جو آپ کی توحید کی گواہی دیتا ہو، اور اس بات کی بھی گواہی دیتا ہو کہ میں پورے پورے احکام پہنچا دیا ہوں۔ پھر دوسرا مینڈھا آپ کے پاس لایا جاتا تو اس کو بھی ”بسم الله و الله اكبر“ کہنے کے بعد ذبح فرماتے اور یہ دعا پڑھتے: اللّٰهُمَّ هٰذَا عَنْ مُحَمَّدٍ وَّآلِ مُحَمَّدٍ اے اللہ یہ قربانی محمد صلی اللہ علیہ وآلہ وسلم اور محمد صلی اللہ علیہ وآلہ وسلم کے گھر والوں کی طرف سے ہے۔ (اس کی روایت امام طحاوی نے کی ہے۔)